Utehjarte vert ein blogg om det å vere ute. I frisk luft får eg energi, glede og overskot til å meistre ein krevande kvardag. Familie, jobb og andre gjeremål gir lite tid til meg sjølv. For å få gleda av å vere ute oftare har vår familie som mål å bruke søndagane på utetid. På den måten får eg vere ilag med borna og vere i friluft på same tid.
Borna våre er ikkje noko annleis enn andre born flest. Dei ser tv og spelar på nettbrett på tider der sola skin, dei finn ikkje på noko av seg sjølv, må tvingast ut av døra for å få litt frisk luft osv. Vi ser at det er viktig å halde borna i aktivitet og vårt ønskje er at dei skal få eit naturleg forhold til det å vere ute. Både fysikken og humøret har det betre med litt utetid.
Familien er og glad i å vere i telt. Om det er i hagen, på ein campingplass eller på eit fjell spelar inga rolle. Det viktige er å komme seg ut av huset, ikkje ha tilgang til internett og tv og bruke tida på heilt andre ting. Sjølvsagt er det intenst når det tordnar og regnar og alle må sitte inne i teltet til det vert betre vèr, men dei augneblinka når ungane ler ilag og finn på leik på eiga hand gjer teltturane meiningsfulle. Å vakne til fuglar som syng eller sjøskvulp er noko eg anbefaler alle.
Vi er langt ifrå den perfekte turfamilien og det vil eg også syne i denne bloggen. Det har vore dagar der vi har snudd fordi alt er gale. Vi lærer heile vegen både om oss sjølve, som familie og som friluftsmennesker. Utehjarte er ein blogg i ærlig format. Følg oss på reisa og gi gjerne tilbakemeldingar om du har gode tips og råd.
Så herlig med en slik blogg da.
SvarSlettVi er også en familie som er i en læringsprosess,en prossess som går egentlig ut på å bruke mer tid ute for vi syns det er topp,men med alt det andre som er i hverdagen.. jobb/skole/aktiviteter osv må vi lære oss å prioritere det som gir oss enda mer energi,nemmelig uteaktiviteter.
Ha en fin torsdag,kommer nok innom her igjen.
Klem Christina